Ալլահշուքյուր Փաշազադեին Սերբիայի ոսկեջրած մետաղադրամ են հանձնել

24 Մայիս 2012 11:57 GMT | 16:57 Local Time

Text size: bigger smaller
30173
Կովկասի մահմեդականների վարչության ղեկավար, շեյխ ուլ-իսլամ Ալլահշուքյուր Փաշազադեին հանձնել են Մեծ իմպերատոր Կոնստանտինի ժամանակաշրջանի ոսկեջրած մետաղադրամ՝ նվիրված Միլանյան էդիկտի 1700-ամյակին:

Ինչպես հաղորդում է Armenia.Az-ը, պարգևը նրան հանձնել է Ադրբեջանում Սերբիայի դեսպան Զորան Վոյովիչը:

«Իմ երախտագիտությունն եմ հայտնում Ձեզ Բելգրադում վերակառուցված եկեղեցու և մզկիթի բացմանը մասնակցելու համար և Ձեզ եմ հանձնում այս մետաղադրամը՝ միջմշակութային և միջկրոնական երկխոսության զարգացման գործում ունեցած ավանդի համար», - նշել է դիվանագետը:    

«Ադրբեջանը և Սերբիան, որոշ առումով, ընդհանուր խնդիրներ ունեն՝ կապված տարածքային ամբողջականության խախտման հետ: Կրոնների միջև սահման չկա, սակայն, ցավոք, այսօր Սերբիայում տարբեր կրոնների ներկայացուցիչները պառակտված են: Հուսով ենք, որ շուտով մենք փոխըմբռնման կհասնենք», - իր հերթին, ասել է Ալլահշուքյուր Փաշազադեն:  

ԿՄՎ ղեկավարը նշել է, որ Ադրբեջանը տոլերանտ երկիր է, որտեղ ազատ ապրում են տարբեր ազգությունների և կրոնների ներկայացուցիչները: 

Նշենք, որ Ալլահշուքյուր Փաշազադեն մայիսի սկզբներին Բելգրադում մասնակցել է եկեղեցու և մզկիթի բացմանը, որոնք վերանորոգվել և վերականգնվել են Ադրբեջանի հաշվին:

Armenia.Az

Bookmark:

Մեկնաբանություններ

Ամենաընթերցվող լուրերը

Հասարակություն բաժնի այլ նյութերը

Խմբագրի ընտրանին

Find us on Facebook