Միլլի Մեջլիսը Եվրախորհրդարանին ուղղված հայտարարություն է ընդունել

29 Մայիս 2012 13:41 GMT | 18:41 Local Time

Text size: bigger smaller
30329
Երեքշաբթի Միլլի Մեջլիսը Եվրախորհրդարանին ուղղված հայտարարություն է ընդունել, որտեղ քննադատել է այդ միջազգային կառույցի կողմից՝ մայիսի 24-ին ընդունված բանաձևը:

Ինչպես հաղորդում է Armenia.Az-ը, հայտարարությունն ընթերցել է Միլլի Մեջլիսի փոխխոսնակ Բահար Մուրադովան:

Հայտարարության մեջ կտրուկ բողոք է արտահայտվում 2012 թվականի մայիսի 24-ին Եվրախորհրդարանի կողմից հապճեպ ընդունված բանաձևի կապակցությամբ:

«Միլլի Մեջլիսը համարում է, որ մայիսի 24-ին Եվրախորհրդարանի կողմից ընդունված բանաձևն անարդար է և ուղղված է Ադրբեջանի դեմ: Այդ փաստաթուղթը մեզ մոտ ափսոսանք և անհանգստություն է առաջացրել», - ասել է Բահար Մուրադովան:

Նրա խոսքով, այդ քայլը հակասում է ԵՄ-ի և Ադրբեջանի միջև ձևավորված կառուցողական հարաբերություններին: Ադրբեջանը հավատարիմ է ժողովրդավարական սկզբունքներին և եվրոպական ինտեգրմանը:

«Մենք հասկանում ենք, որ Ադրբեջանի հաջողությունները անհանգստություն են առաջացնում որոշ ուժերի մոտ, որոնք փորձում են վարկաբեկել երկրի ժողովրդավարական իմիջը, ոչ օբյեկտիվ նյութեր են տպագրում և հանդես են գալիս մեր երկրի դեմ ուղղված հայտարարություններով: 

Ադրբեջանը Եվրանեսթ ԽՎ-ի ստեղծման նախաձեռնողներից է և մենք կարծում էինք, որ բոլոր հարցերը պետք է քննարկվեին դրա շրջանակներում: Սակայն, այդ փաստաթուղթը, որն ընդունվել է առանց «Եվրանեսթ»-ում քննարկվելու, կասկածի տակ է դնում մեր համագործակցությունը»: 

Armenia.Az

Bookmark:

Մեկնաբանություններ

Ամենաընթերցվող լուրերը

Քաղաքականություն բաժնի այլ նյութերը

Խմբագրի ընտրանին

Find us on Facebook