Դա՝ հայ զինվորականների կողմից 2012 թվականի հունվարի 23-ին Ադրբեջանի Հանրապետության Թերթերի շրջանի տարածքում գերի վերցված Ախունդզադե Մամեդբաղիր Թալըբ օղլուն է՝ ծնված 1990 թվականին»:

Ինչպես հաղորդում է Armenia.Az-ը, այս մասին ասված է Ադրբեջանի գերիների, պատանդների և անհայտ կորածների հարցերով պետական կոմիտեի կայքում տեղադրված հաղորդագրության մեջ:

Հաղորդագրության մեջ ասված է, որ հանձնաժողովը, միջազգային կազմակերպությունների միջնորդությամբ, համապատասխան միջոցառումներ է ձեռնարկում Մամեդբաղիր Ախունդզադեի ազատման ուղղությամբ: Հանձնաժողովը ԶԼՄ-ներին խորհուրդ է տվել չտարածել չստուգված տեղեկություններ:

Հաղորդվում է նաև, որ ներկայումս Ադրբեջանում պահվում է 3 հայ ռազմագերիներ և 5 հոգուց բաղկացած մեկ ընտանիք: Այդ ընտանիքի ավագը 2010 թվականի հունվարին ավտոմեքենայով հատել է հայ-ադրբեջանական սահմանագիծը՝ վտանգի ենթարկելով իր ընտանիքի անդամների կյանքը:

Ներկայումս միջազգային կազմակերպությունները քննարկում են նրանց երրորդ երկիր ուղարկելու հարցը, քանի որ նրանք հրաժարվում են վերադառնալ իրենց հայրենիք՝ այնտեղ տիրող ծանր սոցիալական պայմանների պատճառով»:

Armenia.Az