Ինչպես հաղորդում է Armenia.Az-ը, խորհրդարանականների հարցերին պատասխանելով, Դեվիդ Լիդինգթոնն անդրադարձել է Լեռնային Ղարաբաղի հարցին: Ի պատասխան ադրբեջանական պատվիրակության անդամ Գանիրա Փաշաևայի այն հարցին, թե «ինչպե՞ս է գնահատում Մեծ Բրիտանիան ԵԱՀԿ Մինսկի խմբի գործունեությունը», բրիտանացի նախարարն ասել է. «Մենք ԵԱՀԿ Մինսկի խմբի անդամ ենք, սակայն համանախագահությունում ներկայացված չենք: Չեմ կարծում, որ Մեծ Բրիտանիան ընդունակ է ղեկավարել ԵԱՀԿ Մինսկի խմբի համանախագահների գործունեությունը: Համարում եմ, որ Ադրբեջանի և Հայաստանի իշխանությունները պետք է համաձայնության գան այս հարցում: Հակամարտության կարգավորման հիմնական բեռը ընկնում է հակամարտող կողմերի վրա: 2010 թվականին ես այցելեցի Ադրբեջան, որտեղ հանդիպումներ անցկացրեցի այդ երկրի նախագահի և այլ պաշտոնատար անձանց հետ: Այս տարի ես նախատեսում եմ այցելել նաև Հայաստան և այդտեղ նույնպես քննարկել ԼՂ հարցը»:
Armenia.Az
Մեկնաբանություններ