Ադրբեջանի նախագահ Իլհամ Ալիևը Դավոսում հանդիպել է Եվրոպական Միության էներգետիկայի հարցերով հանձնակատար Գյունտեր Օթինգերի հետ:
Ինչպես հաղորդում է Armenia.Az-ը, հանդիպմանը կողմերը մտքեր են փոխանակել՝ «Հարավային գազային միջանցք» նախագծի զարգացման ու հեռանկարների շուրջ:
Նշվել է, որ Եվրոպան ադրբեջանական գազի մեծ պահանջարկ ունի և ընդգծվել է՝ Ադրբեջանից Եվրոպա «երկնագույն վառելիքի» փոխադրման հարցի շուտափույթ լուծման կարևորությունը:
Հանդիպմանը նշվել է, որ նախագահ Իլհամ Ալիևի և Եվրոպական հանձնաժողովի նախագահ Ժոզե Մանուել Բարոզուի կողմից՝ 2011 թվականի հունվարին Բաքվում ստորագրված «Հարավային գազային միջանցքի մասին» համատեղ հռչակագիրը մեծ դեր ունի էներգետիկ ոլորտում կապերի զարգացման գործում: Բացի այդ, նշվել են Ադրբեջանի և Եվրամիության միջև 2011 թվականին էներգետիկ ոլորտում ձեռք բերված առաջընթացները:
Armenia.Az
Մեկնաբանություններ